နှလုံးသွေးမှသံဓိဌာန်

နှလုံးသွေးမှသံဓိဌာန်
တို့နိုင်ငံရဲ့
ပေတရာနဲ့မြေလျွှာတွေရဲ့အပေါ်မှာ
စိမ်းလဲ့လဲ့မျက်ခင်းပြင်တွေရဲ့အပေါ်မှာ
အနာဂတ်ပျိုးခင်းမြေတွရဲ့အပေါ်မှာ
ကန်ရေ
ချောင်းရေ
မြစ်ရေပြင်တွေရဲ့အပေါ်မှာ
သွေးဆာနေတဲ့
စစ်ဘီလူးတွေရဲ့လက်ချက်နဲ့
အသက်မဲ့အလောင်းတွေ
ချောင်းစီးနေတဲ့
သွေးနီရဲရဲတွ
သွေးပွက်ဒဏ်ရာတွေနဲ့
လဲပျိုနေသူတွေ
ဘုရား
တံတား
နံရံများစွာမှာ
သွေးစအသားစ
သွေးစက်သွေးကွက်တွေ
မသေမရှင်
မီးလောင်တိုက်အသွင်းခံရလို့
သင်္ဂြုလ်စက်အတွင်းက
ခံပြင်းအံကြိတ်သံတွေ
နာကျည်းမာန်တင်း
စီးဆင်းနေတဲ့မျက်ရည်ပူတွေ
ဒါတွေကို
ဘယ်လိုမေ့မလဲ
ဘယ်လိုဖြေမလဲ
ဘယ်လိုခြေမလဲ
သွေးချောင်းပေါ်မှာနင်း
ခင်းထားတဲ့အလောင်းတွေပေါ်ကဖြတ်
ကမ္ဘာ့တနေရာရာမှာရပ်
ဖြတ်ခဲ့ခရီးလမ်းကိုမေ့
ကိုယ့်ဘ၀ကိုယ်ရှေ့ရှု
လွတ်လပ်မှုကိုအရယူ
ဘ၀တူတွေထက်သာ
ရနေတဲ့နေရာ
ရနေတဲ့အသပြာ
ဒါတွေဟာ
ဘယ်သူတွေစတေးခဲ့တာလဲ
ဘယ်သူတွေပေးခဲ့တာလဲ
ကိုယ်ကျိုးအတွက်သာသုံး
ဆွေမျိုးအတွက်သာသုံး
နိုင်ငံကိုစုန်းစုန်းမှမကြည့်
နာကျည်းချက်မရှိသလို
ဒီလိုလူတချို့ကို
မေးကြည့်ချင်လိုက်တာ
တာဝန်ကျေခဲ့ကြပြီလား
အားလုံး
ရှစ်လေးလုံးရဲ့
အဖြစ်အပျက်အားလုံးကို
မေ့လို့ရသလား
ဖြေလို့ရသလား
ခြေလို့ရသလား
လွန်ခဲ့တဲ့
၂၀နှစ်ရဲ့အဖြစ်အပျက်
ကျောင်းသားတွေရဲ့အသက်
သံဃာတွေရဲ့အသက်
တိုင်းရင်းသားတွေရဲ့အသက်
ပြည်သူတွေရဲ့အသက်
အနာဂတ်မနက်တွေကို
ရက်ရက်စက်စက်
ဖျက်ဆီးခြေမွခံခဲ့ရတဲ့ရက်
ကမ္ဘာမကြေ
ဥဒါန်းမကြေတဲ့ရက်
အဖေရေ
အမေရေ
သားရေ
သမီးရေ
နှလုံးသွေးကတမ်းတ
အာပါးတရလှိုက်အော်
အော်ခေါ်ချင်လိုက်တာ
ဘယ်သူလာထူးမလဲ
ဘယ်လိုပြန်ထူးမလဲ
ဘယ်နေရာမှာလဲ
ဘယ်တော့ပြန်တွေ့ရမှာလဲ
သေကွဲတွေလဲကွဲ
ရှင်ကွဲတွေလဲကွဲ
နိုင်ငံထဲမှာလဲမနေရ
ထောင်တွေထဲမှာဘဲနေရ
ဇာတိမြေနဲ့လဲဝေးရ
အသက်တွေဘ၀တွေ
အစိတ်စိတ်အမွှာမွှာခွဲခြေခံခဲ့ရတဲ့ဘ၀
ဒါတွေကို
မေ့လို့ရသလား
ဖြေလို့ရသလား
အသက်များစွာသေ
ဘ၀များစွာကြေ
အနာဂတ်ရက်တွေ
ကြေမွခဲ့ကြရ
အာဏာရှင်တို့ကရက်စက်
်လူစိတ်မဲ့သူတို့ရဲ့လက်ချက်
တို့ယုံကြည်ချက်
ငြိမ်သက်လို့ငုံ့မခံ
တော်လှန်ရေးခရီးဆက်
လက်တွေကိုခိုင်ခိုင်တွဲ
ပြည်သူတို့တိုက်ပွဲ
မဆုတ်တမ်းဆင်နွဲ
ဒီမိုကရေစီအောင်ပွဲအတွက်
အမျိုးဖျက်တွေကိုသုတ်သင်
အာဏာရှင်မှန်သမျှ
မျိုးစေ့ကမချန်
အမြစ်ပါမချန်ဖယ်ရှား
သွေးအသက်စတေး
တော်လှန်ရေးအာဇာနည်တွေအတွက်
အနာဂတ်လင်းလက်
တို့မျိုးဆက်တွေအတွက်
ရှစ်လေးလုံးရည်မှန်းချက်
ဒီမိုကရေစီအောင်ပွဲအတွက်
တို့အသက်မငဲ့အရယူမယ်
တို့လက်နဲ့အရယူမယ်၊ ၊


ထင်ကျော်(ဧရာဝတီ)